قصائد جميله

قبل أعرفك كنت اشوف الكون عادي مابـه الـوان وقصايـد واشتعـال
وبعد شفتك طار من عينـي رقـادي ماقدرت أغمـض جفونـي ياغـزال
ومن حلاة الصوت احس الكون شادي ومن ضيا وجهك خفت كل الظـلال
والورود اتناثرت جـوري وكـادي يـوم فليتـي جديـلـك بالعـجـال
انسكب عطرك وسـال بكـل وادي واربعت منـك السواحـل والجبـال
والقمر من شوفتك ماصـار بـادي وجهك الباهـي بحسنـه نـور لال
وان ضحكتي ياحلاها فـي فـؤادي تنسكـب للقلـب ويزيـد انفـعـال
وان حكيتي قلـت لـك أنتـي ودادي قلتي انت اللـي بقلبـي لـك أمـال
والله انك غايـة الـروح ومـرادي ومالغيرك داخـل القلـب أي حـال
ياحـلا نظـرة عيونـك بالسـوادي من حلاهـا ناعسـه تذبـح حـلال
صار شوفك ياغـلا مـاءي وزادي والله ان الوصف بك صايـر خيـال
وان شعري عاجزن قافـه وضـادي ماقـدر يوصـف ولا يلقـى بـدال
مستحيـل القلـب يقـدر عالبعـادي والله اني ماشبعـت مـن الوصـال
وانك اللي ساكنـه أقصـى فـؤادي وان لك مابيـن أضلاعـي مجـال

بتمنى من الجميع الرد بصاراحه
(منقول)